આ વ્રત કરવાથી રોગોથી મુક્તિ અને મોક્ષ પ્રદાન થાય છે જાણીલો તમે પણ

ફાગણ મહિનામાં શુક્લ પક્ષની એકાદશીને આમલકી એકાદશીનું વ્રત રાખવામાં આવે છે. આ તિથિને આમલા એકાદશી તરીકે પણ ઓળખવામાં આવે છે. આમલાના વૃક્ષને  ભગવાન શ્રી હરિ વિષ્ણુએ આદિ  વૃક્ષ તરીકે પ્રતિષ્ઠિત કર્યું હતું. તેના દરેક ભાગમાં, ભગવાનનું સ્થાન માનવામાં આવે છે.

આ ઉપવાસમાં શ્રી હરિ વિષ્ણુની સાથે આમળાના ઝાડની વિધિ વિધાનથી પૂજા કરવામાં આવે છે. આ ઉપવાસ રોગોથી મુક્તિ આપે છે. આ દિવસે આમળાના ઉપયોગથી ભગવાન શ્રી હરિ વિષ્ણુ પ્રસન્ન થાય છે.

એવું માનવામાં આવે છે કે જે લોકો મુક્તિની પ્રાપ્તિ ઈચ્છે  છે, તેઓ માટે ફાગણ શુક્લ પક્ષના પુષ્ય નક્ષત્રમાં આવતી એકાદશીનું વ્રત ખૂબ જ ઉત્તમ છે. આ એકાદશીને અમલાકી એકાદશી તરીકે ઓળખવામાં આવે છે. આમળાના ઝાડને શ્રેષ્ઠ કહેવામાં આવ્યું છે. તેનું ફળ ભગવાન વિષ્ણુને પ્રિય છે.

આ ફળ ખાવાથી ત્રણ ગણું શુભ ફળ મળે છે. એકાદશીના ઉપવાસના એક દિવસ પહેલાં, ભગવાન શ્રી હરિ વિષ્ણુનું ધ્યાન કરીને સૂવું જોઈએ. વ્રતના દિવસે સવારે વહેલા ઉઠીને સ્નાન કરો અને ભગવાન શ્રી હરિ વિષ્ણુની પૂજા કરો. તલ, કુશ, મુદ્રા અને જળ લઈને વ્રતનો સંકલ્પ કરો.

ભગવાન શ્રી હરિ વિષ્ણુના આશીર્વાદ મેળવવા અને મોક્ષ પ્રાપ્ત કરવા માટે એકાદશી વ્રત રાખવામાં આવે છે. આમળાનું એક નામ આમલાકી પણ છે અને આ દિવસે આમળાના વૃક્ષની પૂજાને કારણે આ એકાદશીને અમલાકી એકાદશી તરીકે ઓળખવામાં આવે છે. આમળાના દરેક ભાગમાં ભગવાનનો વાસ માનવામાં આવે છે.

તેના મૂળમાં, શ્રી હરિ વિષ્ણુ, દાંડીમાં ભગવાન શિવ અને ઉપલા ભાગમાં ભગવાન બ્રહ્માનો વાસ માનવામાં આવે છે. આ વ્રતમાં ભગવાનની પૂજા કર્યા પછી આમળાના ઝાડની પૂજા કરો. રાત્રે ભાગવત કથા અને ભજન કીર્તન કરતા કરતા ભગવાનને યાદ કરો. દ્વાદશીના દિવસે સવારે બ્રાહ્મણને ભોજન કરાવો અને દક્ષિણા આપો.